搬迁消息

由于live space关闭,即日起,关于我历史blog都会转移至网易163。如wordpress搵到解决方案,我将会以wordpress为首选。

163blog地址:
http://living.blog.163.com

163blog备份地址:
http://alwaysliving.blog163.com

发表在 传说中的我 | 留下评论

我的徽章

      我对徽章唔係特别感兴趣,都唔会主动去收集,继上年攞咗3年徽章,今年再加许5年徽章。
      就差那么4天,我等咗1年,终于俾我等到。

发表在 传说中的我 | 留下评论

iPhone 4与我

      经历一大段iPhone 4信息轰炸,我都有机会触摸到目前嘅神机以后嘅街机,虽然唔係我自己嘅。
 
开封礼前嘅拍摄,外面嗰部係3Gs
我同事仔细开刀开苞
呢个就係佢嘅庐山真面目
再通公司部ipod touch对比下
两部都装上angry birds,发现iPhone4嘅喇叭发声靓好多。
 
      其实上面几张图,分别拍摄自3部iPhone4,1部iPhone3Gs,1部iPod touch。而且有个插曲,开苞典礼发现开错咗iPhone4。
发表在 传说中的我 | 留下评论

回家路上

      又係一个加班夜,返到去嗰阵,发现华景铁路又准备封路。又係呢个火车头唔知搞乜,不过次次见到都係亮等,同时好多相关人员喺附近守侯。而之后就会有更多不相关人员要等佢而守候。
      听肥妈讲,呢条铁路星期日有好多后生仔女喺度影相,不过除咗好多垃圾,好多鸡毛,我睇唔到条铁路有乜特色。
发表在 传说中的我 | 留下评论

愤怒的小鸟

      终于忍唔住,买咗呢只iphone game,之前一直玩盗版,所有关卡都3星过关,国家排名前10,当时版本1.3。之后公司部机升级做4.0,游戏都删咗,进度都冇埋。
      今日注册咗个itunes帐号,登记信用卡,买咗呢只game,可以慢慢玩啦。目前版本1.4。

发表在 传说中的我 | 留下评论

吴係茶餐厅

      上星期五晚,加班太夜,同两个同事去到天河东嘅吴係茶餐厅食晚饭。
 
       开始行错方向,向北行,结果依靠两位同事带有GPS嘅android手机同点评网嘅定位,终于喺太古汇附近搵到,原来仲要落地下一层,然后回头先可以见到。
 
      其实最夸张係9点到,结果要等位,走嗰阵10点几,外面依然要等位。上面张图,係我点嘅黑椒牛柳煎面,另外两个同事点咗个夜茶套餐,再加一份西多士。
      埋单132蚊,其实比较贵,但用料好足(从艇仔粥用料可以睇得到),味道我比较适合我。
发表在 传说中的我 | 3条评论

4年啦,係时候改变

      四年啦,部X60已经4年。当时仲係委托公司某老板买嘅学生机。仲好记得係HKD 8004,之后去海正用45蚊买咗个火牛,然后用咗一年多少少电池突然喺开会嘅时候坏咗,用咗780从IBM个商务度买咗一旧8芯电,直至宜家。
      虽然T2300个速度实在有点慢,1G内存已经远落后主流,60G硬盘更加係转个身都到处碰壁,不过依然係我工作嘅主力机。

      新一年到啦,已经见到thinkpad出学生机配置,我仲问紧人有冇名额可以帮手买入,的确係时候要退役啦。宜家学生机X201个价比以前我买嗰阵仲要低,如果可以买我将再奢华一次。

PS:点解叫再?睇图睇得明嘅人就知道。

发表在 传说中的我 | 一条评论