误解

      今日中午落班准备去食饭,但有少许内急,之后就入咗厕所。当时有位阿姨准备同男厕搞卫生,就喺门口附近倒垃圾,但拖把就架起拦住门口作唔俾人入嘅态势。

      见到咁嘅样,本来都冇谂住用厕所。但食饭前都要洗手,所以就谂住入去洗埋手先食饭,咁我就浪起个拖把过咗去再放返原状。不过呢个时候我见到厕格开住门,根本冇人用,之后就谂住入去小解完再洗手食饭。

      点知行咗几步个阿姨就马上闹我,“你识唔识得尊重人嘎?你真係当我透明,目中无人嘎?你真係完全唔识得尊重人。”呢个时候我见到个拖把跌落地,以为因为呢件事,阿姨係咁激气起势咁闹,于是我继续将把拖把放回原状。然而阿姨依然冇听过闹我,而且仲要越讲越激“你真係唔识得人啊,当人完全唔存在都得嘅!

      越讲就越唔明,于是我都係忍唔住出声:“我急啊!~~”阿姨听到之后,仲更加火滚,“咁就目中无人哦,我仲以为你係洗手咋吗?…………”(后面讲乜,我完全唔记得,反正都不外乎几句唔尊重人之类)。我一于少理,直接走入厕格小解,而同时阿姨都一直係咁闹。我未曾见过因为无意整跌咗人把拖把,可以闹足我几条街。

      不过都算啦,在我处理中我认为冇错,然而呢件事搞到中午食饭都唔多舒服,成日都谂返起呢件事,“係唔係我做得太过分呢?定係有乜我做得唔啱?”可惜当时我都冇去解释。中午返到公司,我又同隔离位个同事讲返一次呢件事,但佢都觉得当时我冇错,仲开玩笑咁同我讲:“我帮你手闹鬼个阿姨。

      …………………………………………………………………………………………………………

      不过始终我都觉得唔係咁简单,平时中午瞓教嗰阵,我都中意匿埋一二角。一嚟容易入睡,二嚟可以俾到一个空间自己。但我点都瞓唔到,成日都谂返起呢件事。细心谂返转头,发觉阿姨讲嘅事,未必係拖把嘅事………………………………

 

 

      最后再谂,估计係阿姨以为我就咁冲入去厕所小解,而且仲要当住佢面咁样,所以当时佢非常之嬲、非常谷气。如果係咁样,的确係对佢人格嘅一种侮辱。但从我呢方面睇,我入厕格解手,都好正常,难道你喺搞外面卫生,我喺里面搞我自己卫生都有问题?

 

      记得老细曾经讲过一段话,大概意思係咁:你睇到嘅情况,未必係人哋所见到嘅情况;如果要对方理解,必须知道对方所见到嘅情况,并且等对方知道你所见到嘅情况。

      好易明,不过好难做到。如果有机会认得返个阿姨,我的确需要同佢讲声:“对唔住!

Advertisements
此条目发表在Uncategorized分类目录。将固定链接加入收藏夹。

2 则回应给 误解

  1. Penny说道:

    哇······咁有哲理啊····小心阿姨嬲起身对付你的弟弟啊·······

  2. 传说中的13号说道:

    使唔使你复得咁快啊?完全係大家一场误解造成,好彩平时都唔中意同人嘈,唔係开拖都似。

发表评论

Fill in your details below or click an icon to log in:

WordPress.com Logo

You are commenting using your WordPress.com account. Log Out / 更改 )

Twitter picture

You are commenting using your Twitter account. Log Out / 更改 )

Facebook photo

You are commenting using your Facebook account. Log Out / 更改 )

Google+ photo

You are commenting using your Google+ account. Log Out / 更改 )

Connecting to %s