好来好走(一)

      九月份对我并不算一个好月。
      虽然从主管口中得知会有一个人会加入自己部门,而且由我去train,但到咗第二日之后便发现情况并非如此理想。
      本来绝对係一件好事,可以帮轻我工作,同时大家沟通交流之余,可以从中锻炼自身表达能力。去train人其实我都唔係第一次,同部门另外一个人都係我带出嚟嘅产品,所以都冇乜好惊,更何况大家都係讲广州话,沟通更加唔成问题。不过最后都係。。。。。。
      都係由之前嘅故事讲起:
      8月31号晚,我基本上准备好培训计划,第二日时会mail俾新同事同上司去讲述头一个月嘅培训内容。对我而言,呢次准备得会俾上次足好多。
      9月1号上午返到公司,因为广州垃圾交通问题,差少少迟到,见到新同事(MM一名)就坐喺我后边无远嘅地方,不过由于我仲有急事要去落order,而且开始应该有hr去介绍公司情况,所以我都冇进行主动搭讪。另一方面,主管一返到就同新同事打咗声招呼“hi,早晨”之后就做自己事。当我完成紧急事情之后,发现原来hr都仲未同全公司介绍新同事时,无奈要现身主动打招呼。呢个时候mail咗个培训计划俾新同事(nicole),同时自己都係简单介绍咗下接落嚟会指导佢去做乜。同一时间发现个hr十分之失败,完全冇对任何人介绍过新同事,完全冷落晒对方,最后过咗接近十五分钟先发mail通知全世界nicole嘅到嚟。呢个时候我先发现,原来nicole都唔係report to我,而係主管。
      不过有教无类,under边一个人都冇所谓,我自己都尽能力介绍呢一行相关嘅知识俾nicole,同时发部分我一直总结出嚟嘅公司内部可公开资料。我一直都会比较耐心去教,教到一段就叫nicole自己去体验下,又交代落呢个岗位多数会接触边几个同事,如何联络等等。等nicole有自己去听课同感受之余,又有时间等我去处理其他事。
      到咗一点食饭嘅时候,习惯上新人到,成个部门都会一齐出去食饭。点知同部门嗰两个契弟,明知有新人入,仲带饭返公司,仲要叮好咗食。主管竟然仲叫我一个去陪nicole食饭!唔係我唔肯,但点解你自己又唔同佢单对单食饭?弊处唔使谂都知。不过都算好彩,我经过介绍后,nicole都搵到班女同事一齐去食饭。事情暂告一段。。。。。。
Advertisements
此条目发表在公事爆分类目录。将固定链接加入收藏夹。

发表评论

Fill in your details below or click an icon to log in:

WordPress.com Logo

You are commenting using your WordPress.com account. Log Out / 更改 )

Twitter picture

You are commenting using your Twitter account. Log Out / 更改 )

Facebook photo

You are commenting using your Facebook account. Log Out / 更改 )

Google+ photo

You are commenting using your Google+ account. Log Out / 更改 )

Connecting to %s