好来好走(二)

      经过漫长嘅午休时间(中间发生咗段插曲,以后再讲),返到公司俾咗十五分钟时间nicole(其实係自己)休息下,之后继续教学训练。呢个时候,我提供更多公司相关资料,包括后台管理、数据统计同公司嘅业务排位俾nicole去睇,都包括大部分相对机密嘅内容。主要係等佢可以感受下上移动梦网有乜感受,都可以话係作为wap业务策划嘅最基本认知,最少做咗年几嘅我係咁认为。
      由于涉及到好多内容,而且我都会具体到某一个服务去进行讲解,所以用时都比较长,下昼四个钟,大概都有两个几钟係教学内容,从nicole嘅交谈中都感觉到佢对梦网由唔识到开始有一定认识。当然都係要靠佢慢慢去摸索。或者太过认真,除咗我同网管之外,nicole都未同其他同事交谈过。时间过得好快,好快就到落班时间,第一日嘅工作就咁完成。
 
 
      9月2号,由于混乱嘅广州交通,我仅仅早10分钟返到公司。一返到公司,又见到nicole比我更加早返到公司。我第一时间就问佢msn得咗未(因为之前nicole一直都用唔到公司个mailbox登陆msn)?不过佢第一时间话有嘢要单独有同我讲,呢个时候我有种不详感觉。
      本来打算带到隔离会议室,隔音慢慢讲,不过佢喺途中就忍唔住同我讲:“其实我係想同你讲,我今日返嚟係想辞职嘅。”我嘅预感果然灵验,就好似大半年前一样,有个同部门同事入职一日,第二日就消失咗。不过我都唔算太惊讶,因为之前已经有案例,我一路行一路同佢讲几句,不过讲乜都唔记得,反正唔係挽留嘅说话。
      入到会议室,关埋玻璃门,我哋就转入正题。当然最好奇嘅就係点解会离开?
      nicole:“我寻晚谂咗成晚,觉得以后嘅工作同我in时主管讲嘅唔太相同,似乎唔多适合我……”
      大概讲咗几句啦,我都表明自己立场,“其实你话要走,当然我就唔係太想啦,不过既然你决定咗,我都唔会亦都冇办法去左右你嘅谂法。”
      nicole:“本身想同个hr讲,不过佢又未返到嚟。而且我都觉得你好nice,所以我都打算第一个同你讲。”(自己觉得不幸之余,又略带点喜悦,因为即使一日嘅工作,都被人认同,心情係点好难去形容)
      living(即係传说中的13号):“咁你有冇签约?”
      nicole:“其实寻日下昼时都有啲犹豫,最后落班前都係签咗,俾咗hr。”
      living:“咁比较麻烦,有合约困身,可能走都要段时间。”
      nicole:“可能会比较麻烦,不过公司未盖印,一切都仲有余地………………”
      living:“好高兴你可以第一个同我讲,等我第一个知道有所准备。不过你都係同hr、主管讲声。”
      ………………………………(闲谈几句,主要係nicole理想方向问题)
      最后离开会议室时,nicole都非常有礼貌咁主动同我握手。虽然nicole可能好快就离开,不过觉得自己工作、态度受到肯定,都好欣慰。
      而之后等hr同主管返到之后,nicole就同hr讲咗自己嘅意愿。而两个人轮住同nicole见面,无非係讲挽留说话,不过我暂时都冇闲时去理会,只好继续工作。
Advertisements
此条目发表在公事爆分类目录。将固定链接加入收藏夹。

发表评论

Fill in your details below or click an icon to log in:

WordPress.com Logo

You are commenting using your WordPress.com account. Log Out / 更改 )

Twitter picture

You are commenting using your Twitter account. Log Out / 更改 )

Facebook photo

You are commenting using your Facebook account. Log Out / 更改 )

Google+ photo

You are commenting using your Google+ account. Log Out / 更改 )

Connecting to %s