好来好走(四)

      本以为事件就此完结,不过事实上并非如此简单。
      一返到去公司就见到某个人侧住头咁睇住我哋入门口嘅人,好似睇下边个边个会唔会返咁。
      埋咗位之后,同部门另外一个人问新同事去咗边,我都係老实回答,事实上都冇乜好隐瞒。之后嗰位同事开玩笑咁喺Q群度讲:“民工,你做乜吓走新人啊?”一位沉唔住气嘅同事就讲:“咁就要问过你哋先知啦!”(开始我以为你哋,係指我所在部门,后来问起,原来係特指其他两个人而唔包括我。)
 
      临落班前,主管叫咗我单独会面,除咗一周工作问题,另外讲到嘅就係关于nicole离职问题。
      主管:“今日nicole离职,你都知啦。咁呢就有两个原因:一、佢睇到啲黄色嘢,唔想去做。”
      我心谂,乱9咁估,分明将人离职责任卸晒俾我,我马上就答道:“冇,完全係俾其他嘢佢睇,冇可能会俾到咸湿内容佢见到!!!”
      主管:“咁啊,唔知呢?二、个人问题,nicole话同入职时我讲嘅策划嘅感觉唔一致。”
      之后我感到佢开始质疑我,我就讲返所教嘅係最基本事情,如果连一个服务架构係点都唔清楚,更加冇可能去策划一个服务出嚟之类云云。事实上我觉得俾任何一个人做导师,去教一个从来未接触过梦网嘅人,都会係用呢种方式去教。相当年我入职,教我嘅人更加懒到只係点得浏览器教我上咗去就算,根本冇同我详细讲述过梦网架构,等我自己摸索。
      不过最气愤就係后面佢讲嗰句:“失败咗就当係个经验,唔係话你做得错……………………以后就识得点去train人啦。以后如果有新同事入职,我完全唔去跟,靠你去带。佢个表现同你嘅年评挂钩…………佢要走我都阻止唔到,如果留住一个有离心嘅职员,对公司反而不利……………………资源永远都唔够,要用最小嘅资源去获取最大利益,港资公司甚至外资公司都係咁。中资就唔係,会开大水喉…………”讲咗一大堆说话。
 
      我觉得极度咁废!!!
      首先,虽然train人係我train,但直属上司唔係我,佢嘅表现应该係同直属上司挂钩而唔係我。
      其次,可以将一切责任都归咎于我,非常唔忿气。佢要走,冇人拦到,而且一日就走绝对唔係因为我轻薄佢或者要佢做一啲强人所难嘅工作,只不过係对公司本身及其业务认识了解。如果係咁质疑我所安排嘅教程,你就换过第二个人去train。
      第三,宜家你另外个手下都係我train嘅,如果真係唔做得嘢,就应该一早清理出队。唔好因为一个特别例子就否定晒我嘅工作,一日带嚟嘅改变本身就唔大,将佢全部入晒我数,就同乜7都懒晒董伯伯有乜分别?
      第四,过往公司习惯係,凡有新人,主管都会请食饭。作为直属上司,连续两日都带饭,完全冇打算係搞入职宴,仲叫我去请人食饭(之前冇交带过)。唔係因为我孤寒请唔起,本来应该係公司出钱最起码主管出钱,宜家变咗我出钱不单止,仲谂住叫我同佢单独食饭,好意思咩?先唔讲单唔单独先,之前几个钟仲对唔够,连食饭都继续对,佢唔闷我都闷,公司唔係净得我一个,应该等佢认识其他人。
      第五,大家同一个部门,竟然只有我一个同nicole讲嘢,其他两个人完全可以当人唔存在。先唔好讲乜嘢,完全冇尊重过自己下属,敢问边个仲敢留低?姑且唔讲nicole讲嗰句“如果早啲识到你哋,我可能就会留低”呢句说话係唔係真,不过讲得出呢句话好大原因係佢俾人忽视,得唔到重视,极有可能同in嗰阵话呢个位置好受人重视相矛盾。
 
      不过嬲都冇办法,边个叫我嘅上司係佢,惟有暗暗的去谷气。
 
      我唔介意去带新人,都唔介意佢唔係under我,不过我唔想千挑万选嘅人到我手一阵就走。就正如主管所讲,开大水喉浪费资源,难得有个适合人选,不闻不问就等于等佢自生自灭。
 
 
      我宜家最希望嘅反而唔係再有新人嚟,做多咗嘢并唔係最辛苦。我最想得到嘅係人哋对我嘅肯定,无论係nicole或者係其他人,最紧要係俾我train嘅人对我所讲嘅嘢有所认知。
 
 
      希望nicole好走,搵到自己想做嘅嘢;希望我自己都可以走过呢一步。
Advertisements
此条目发表在公事爆分类目录。将固定链接加入收藏夹。

1 则回应给 好来好走(四)

  1. ray说道:

    阅者当自省~我都好感激几位下属,尤其係两位比较新来的下属,对我的容忍

发表评论

Fill in your details below or click an icon to log in:

WordPress.com Logo

You are commenting using your WordPress.com account. Log Out / 更改 )

Twitter picture

You are commenting using your Twitter account. Log Out / 更改 )

Facebook photo

You are commenting using your Facebook account. Log Out / 更改 )

Google+ photo

You are commenting using your Google+ account. Log Out / 更改 )

Connecting to %s