赌场游(日篇)

      上一次去马交,已距离今日差唔多有年半。上次去马交主要都係带同事游历马交世界文化遗产嘅景点,饮饮食食。今次就同屋企人过去玩下,顺便散下心。喺屋企发毛四日,都係时候出嚟晒下,虽然五号早上落咗场倾盘大雨。
      离开马交年半,从肥妈肥老豆口中得知,马交变化好大,多咗好多新赌场,所以我目标唔係简单嘅饮饮食食,虽然出发前一晚我都会去poco搵饮食资料。
      之前讲咗好多废话,宜家直接转入正题。因为係赌城,所以五姨带咗我去赌场里面嘅自助餐食中午,开始我哋嘅日间赌场游。

      第一站係翻新过嘅赌场,目前此娱乐场叫皇家金堡,之前叫咩名我唔记得啦,因为老豆同五姨都讲过。入到大堂里面,都係"普通"嘅金碧辉煌,当上到2楼餐厅里面坐低就开始食,其实食物种类都唔算太多,但味道就唔错,尤其星州炒米同埋甜品(甜品暴多,但味道都好好)。感觉因为澳门嘅饮食好少偷工减料,所以做出嚟基本上唔会差得去边,而且服务太度都唔错(可能係因为赌业附属产业)。插曲一:因为我细表妹11.X岁,其他赌场係12岁以下先当小童计算,所以有一轮争拗。结果都係当6个成人计算(10岁以下按小童价58MOP,成人68MOP),最后仲要打咗个9折。因为另外一个表妹识得唔少同学係做赌场相关,所以佢哋屋企经常会有免费自助餐食,但今次因为时间太赶,所以攞唔到免费=_,=。插曲二:走时打算行楼梯落大堂,但发现落到一楼未到底,仲要係赌场,细表妹未够称再加上着住校服,更加唔可以入去,只好等电梯落到大堂去。

      第二站——渔人码头。好奇怪,点解渔人码头会同赌场挂扣?首先,渔人码头里面有见马交手信店,专门卖扑克牌、澳门街道牌名锁匙扣、小型老虎机、mini麻雀、扑克地毯、各式筹码等等。另外一方面,虽然渔人码头打扮到好似世界民族村一样,但抬头一望,旁边就係金沙,感觉就係摆脱唔到金沙赌场嘅影子。最后,因为行到最后面,你会发现有个叫巴比伦嘅赌场@_@,因为当时我带住好多行李,所以冇入到去睇里面设计,所以就等我肥妈肥老豆同五姨入去大杀四方。不过从外观睇,巴比伦只係一个小赌场,而喺附近,见到一个极大招牌,估计目前部分只係先头部队,以后会大规模扩容。插曲一:渔人码头里面俾人叫咗两次帮手揸机影相,但竟然都对背景冇要求(~_~咁随便影合照就得,唔使嚟澳门)。插曲二:我喺度兑换货币,发现CHN->HKD竟然仲要补水。插曲三:见到儿童机动游戏里面,一爸爸与一儿子同坐旋转飞船玩,爸爸由开始起飞到飞船落地都接听电话,难道真係忙得咁紧要?插曲三:我独行时发现一西方女子,胸大,仔细睇凸点,迎面而行,发现冇带bra。插曲四:肥老豆冇赌,肥妈先赢后输打个平手,五姨赢咗五旧水,填返啱啱餐饭钱。

      第三站——星际酒店。一发千金就係澳门星际酒店赞助,而梁朝伟都係佢代言人,周围新福利嘅车身上面都係佢嘅广告,来头唔细。而赌场其实係中资,有部分係港资,所以广告上话边个明星几时会到,估计都係同呢方面有关。听五姨讲,都係今年先开张,发现澳门突然多咗好多建筑。入到去大堂,一排葡国美女企晒喺度做人肉纸牌,不过赌场里面严禁照相,所以都冇机会拍摄。而更加吸引嘅唔係班女,而係一条大长龙。原来逢星期六18:30,赌场方面会有类似六合彩免费中奖去吸引人,所以引咗一批"龙的传人"。插曲一:虽然酒店大,但大堂除咗"龙的传人"之外,最多人嘅就係等免费巴士。插曲二:星际酒店设计都好特别,就好似两块唔同色嘅积木砌起身,但上面一块会稍微向外错出一部分,听讲因为设计危险,所以被要求削减两层以保持平行。

      第四站——永利。一家外资(好似美资)赌场,关于呢间赌场,从财经透视我都知唔少。招揽客人并非单一赌场为主去运营,而係带入名店街、酒店等多元化服务。其实所谓名店街,係得Louis Vuitton同Chanel我係听过,其他就=_,=孤陋寡闻。而LV就最多人,搞到要限制观看人数,而其他档口就拍晒乌蝇。而出到门口,有样嘢令我好想留底去睇,就係一个做得非常之好嘅音乐喷泉。点为之好?因为程序设计得好,动态做得非常之正,而且每15分钟就会播出一次,行出永利后,我足足睇咗三场,如果有机会一定要再睇好几次,最紧要就係影多几张靓相。插曲一:永利中间係个旋转门,我冇入过去,但出嚟时发现有人卡死里面*-*。插曲二:喷泉唔止喷水,仲识得喷火,而热力都唔係普通咁低,我离开好远都感受到非凡热力。

      第五站——新葡京。新葡京嘅出现,以为着一个时代正式结束,穿过地下隧道去到旧葡京前面,感觉係如此凄凉,当年澳门赌场象征(雀笼),宜家被多间赌场重重包围,係几咁孤单。旧葡京再行前几步就到新葡京。从外形睇又係一个风水局,雀笼被破,何生新葡京就做成下面金鱼缸、中间利器、上面为神主牌特别造型。但个人觉得不伦不类,而更加重要就係建筑係未完成,上部仲要铁晒黄纸,感觉好似一把上咗符嘅桃木剑插咗入南瓜上面一样。不过勿论好臭,入场睇过再讲。新葡京係我日间唯一入过嘅赌场,发现里面好大,比得上金沙,但感觉金沙会高档唔少,主要係感觉赌仔衣着会光鲜唔少。旁边有数樽水免费供饮用(樽盖劲难开),当然你都可以叫其他饮品(属于免费,但要坐低玩)。一楼就係用MOP/HKD,二楼就係HKD,而赌不外乎大细、廿一点、百家乐等。而最令我眼前一亮,就係我望上三楼,见到一广告,上有暴露女性图案,并写明"日本AV女优真人SHOW"。

      每间赌场停留时间都唔係太长,而且当步出新葡京时,已经係六点三,係时候去医肚。但赌场魅力日间无法能完全反映,对我嚟讲夜晚赌场生活先係最精彩,所以决定夜晚出嚟搵食。剩下部分留待夜篇讲…….
Advertisements
此条目发表在Uncategorized分类目录。将固定链接加入收藏夹。

One Response to 赌场游(日篇)

  1. Penny说道:

    “我独行时发现一西方女子,胸大,仔细睇凸点,迎面而行,发现冇带bra”····所以话,西方极乐就係咁来的喇

发表评论

Fill in your details below or click an icon to log in:

WordPress.com Logo

You are commenting using your WordPress.com account. Log Out / 更改 )

Twitter picture

You are commenting using your Twitter account. Log Out / 更改 )

Facebook photo

You are commenting using your Facebook account. Log Out / 更改 )

Google+ photo

You are commenting using your Google+ account. Log Out / 更改 )

Connecting to %s