《假如生命剩下N小时》 vs 《亲……爱的》

     喺朋友介绍之下,知道南方剧院会有《假如生命剩下N小时》、《亲……爱的》两出舞台剧上演,反正假期都冇嘢做,于是就买咗呢两场戏嘅飞,睇下係唔係传说中咁好睇。
     
      《假如生命剩下N小时》
      因为听讲係最后两场,所以就自己一个人去睇。都仲算好彩,可以买到第10行嘅票,虽然数唔到脚毛,但面部表情都睇得好清楚。
      本舞台剧前后分5章,故事从未出生嘅精虫时代开始讲起嘅5个小品故事,然之后係成长、恋爱、困惑、婚姻同最后病痛。每个故事都穿插着意外事故(大学城跳楼压死美女事件)、社会现状(每晚电台求诊节目)、社会风气(炒股、整容)、成长历程(青春疑惑、高龄新娘)等等事件,从中提醒我哋要珍惜剩余时间,好好珍惜眼前拥有嘅事物、亲人。全程用大量粤语演绎,少量夹杂歌唱同普通话英文,所以对本地人有种亲切感,当然最贴近嘅可能会係言语中夹杂住类粗口(做乜实、我理得你乜tract啊)。
      场剧睇完之后,发觉係有多少离题,劲少地方会点题。或者係因为首个剧本,表现方面需要改进,观众需要更多深层回味先可以感觉得到思诺想表达嘅意思。
      总体上,第一次现场睇舞台剧,感觉佢哋表演得唔错,虽然仲有好大上升空间,可能因为喜剧,并未带来真正的剩下N小时,唔排除会出2。而希望借此成功过案,可以推动广州呢方面嘅文化发展,虽然可能只会局限于广东地区发展。
     
      《亲……爱的》
      同《假如》同一批演员演出,有幸买到第1排13号坐(*_*传说中的13号),可以近距离数吴嘉亮嘅毛。
      本舞台剧分9章,但表演时间反而较《假如》短。戏剧一开始就带出主题“吻”,之后相关几节都係类似栋笃笑形式讲述关于“吻”、“爱情”之间嘅关系,而且所用嘅时间唔会好长,俾人感觉就係因为主题戏唔够长,需要加部分内容去撑场。最大个问题係呢几部分唔多搞笑,或者因为有部分观点我已经从黄子华口中听过。故事主线係讲谭俊颖同佢哋朋友玩一个成人游戏,因为游戏中的一个吻结果导致谭和女朋友分手,之后寻找一夜情嘅刺激,后来发现一夜情嘅女主角,并非为一夜情而于谭见面,而是为了寻找那份失落的爱情遗忘的吻而来。
      总体讲,唔够《假如》搞笑,但一直都比较贴题,不过我反而会比较支持思诺呢种改变。但缺点係加入唔少栋笃笑成分,从类型睇冇办法严格分类,不过无论点好,场戏收得就好。
     
      周边环境
      从布景睇,《亲》比《假如》投入更多,经常更换贴题布景,更加似舞台剧。
      从着装睇,《假如》比《亲》投入大好多,就一件婚纱、一套礼服、三件精虫套装,大过晒《亲》嘅普通西装。
      从观众睇,两场戏,绝大部分都会係1X-2X嘅本地观众,精通粤语嘅年轻男女。
      从灯光睇,两场戏都差唔多,但感觉做得唔够及时到位,尤其特写灯光,慢咗2、3秒先到。
     
      演员
      两场戏大部分都係同一批演员,前后表演效果都唔见得话进步或者退步几多,干脆我就逐个去讲。睇完《假如》之后,我先知道原来都係通过歌sing魅影选出嚟嘅本土演员。
      邱光磊:个子比较矮细,主要扮丑角例如啊婆,演出好多但印象唔深,感觉比较平凡,开始以为黄细龟。
      付丽:我睇嘅《假如》里面只有一幕戏,只係觉得係个肥妹仔;《亲》里面就好多戏,但觉得做造作,将夸张又唔真实的一面演绎的淋漓尽致,虽然係台上同人kiss咗好耐,但依然唔觉得表演得好。
      李嘉杰:只有在《假如》中的一幕上演出,扮一个好似黎明嘅本土演员,唔知係剧本安排失败定係演绎得唔好,可以忽略呢个角色。
      谭俊颖:现实中嘅一个老师,两场戏演出都唔错,都将一个中年男人嘅特性好好演绎出嚟,《亲》里面最后一章,就将角色表演到入晒骨。
      陈迪生:嘉宾演员,感觉演得麻麻,但都冇乜评价。
      梁铁欣:只在《亲》出现,可能因为第一次演出,好多细微地方都做得唔足够,例如面部表情同动静。
      张曼莉:嘉宾演员,个人觉得演得唔错,比付丽诈娇扮青春好得多,可能演出经验丰富好多,而且以前都算名主持,咬字清晰好多,听起身係咁多个中最舒服。
      李健:两场戏我都觉得演得唔错,但一定唔可以要佢企定,因为佢够猥琐,几个角色都入型入格,除咗《亲》做学生嗰部分。
      吴嘉亮:应该係两部戏俾人最深印象嘅演员,原因一:反串女角;原因二:反串女角得嚟又好似女角;原因三:讲话好似时下青年漏口兼咩音;原因四:够晒投入,尤其最后一幕同谭俊颖^O^。
 

似乎有思诺就会有吴嘉亮,有吴嘉亮就会有反串表演,在《亲……爱的》中,吴嘉亮的表现更妩媚、更细腻。

      
      对于思诺,两部戏我觉得都值得睇,应该唔少人都会认同(我去两场都爆满),但希望可以从细致少少个地方进行改进,例如应该如何撑场,资料搜集可以做得更好,要知道黄子华准备一个show最少都要2年(当然只係一个参考数据,并非一个标准)。同时希望呢个只係广州演艺界嘅开始,思诺都只会係第一个先行成功者,之后陆续有来。

     
      总结,如果讲各有各好就等于冇讲,不过如果讲好笑,我觉得《假如》会好笑好多。但个人会倾向《亲》的发展,原因此剧比较贴题,同埋可能因为夹呢个剧本唔够熟,后面几场可能会夹得更好。
      
      无论如何,觉得好嘅就介绍俾你4个朋友听(《假如》嗰阵话介绍俾6个),叫佢去睇呢场戏啦。
      《假如》暂时未听到话加场,不过《亲》就加咗4场,但时间唔记得咗(有10月21日、XX月XX日、XX月XX日、12月28日),如果有兴趣嘅朋友可以打114或者登陆www.hdsk100.com查询。
     
      以上观点纯粹个人见解,如有冒犯请见凉
      
      PS:睇完《假如》之后搭车,居然仲有3个人睇过场戏,但其中一个从上车到落车就打电话俾人踩部戏好无聊,成日讲隐性粗口(我数到有3处),讲嘢讲唔到点,同剩下N小时有乜关系等等。
Advertisements
此条目发表在娱乐分类目录。将固定链接加入收藏夹。

2 则回应给 《假如生命剩下N小时》 vs 《亲……爱的》

  1. Yonggang说道:

    原来自己鼠左去睇N小时再同E去睇亲爱的

  2. 贰零○肆说道:

    嘿嘿,系咪好多人都话似样呢~~~~

发表评论

Fill in your details below or click an icon to log in:

WordPress.com Logo

You are commenting using your WordPress.com account. Log Out / 更改 )

Twitter picture

You are commenting using your Twitter account. Log Out / 更改 )

Facebook photo

You are commenting using your Facebook account. Log Out / 更改 )

Google+ photo

You are commenting using your Google+ account. Log Out / 更改 )

Connecting to %s