12月香港游——投名状与黄子华与旺角宵夜与回公司

Part I
      投名状两张票係4号厅,入到去只见到好多人排队,我哋都只能排埋一份等入场。途中见到同期好多戏嘅海报,但回忆起档期,基本上都好平均下,唔似大陆咁就得一两部戏霸晒全部档期。
      队伍移动得好缓慢,但作为"文明人"唔可以打尖。呢个时候,我见到4号厅入口,都见到有一个人唔排队就行咗入去。心谂"係唔係有另外个入口?之前嗰个係特殊通道。"慢慢前行,发现有一客爆谷同可乐免费派发,难怪队伍如此缓慢。领完食品后,我哋继续前行,寻找传说中嘅"四号厅",发现只有五号厅喺前面,再向前行就係掘头路@_@我哋翻转入到4号厅,搵到天字一二号位后就准备睇片。
      欣赏咗廿分钟大陆俾人阉咗嘅广告,投名状正式开始。戏嘅内容都唔多讲,不过过程中表现出观众素质,全场冇吸烟(全港禁烟)、冇电话铃声、冇现场评述。虽然坐天字一号位,但座位非常舒服,仰视起身都唔算太辛苦,唯一不足之处就係……冷气太劲。128分钟过去(后尾查资料先知),套戏唔错,对得住80蚊同埋食物。而后喺广州我又睇咗次,发现好多唔同,特别短、对白唔同、对庞嘅感觉都唔同咗,后来睇过原来都係拜广电局所赐。
      急急脚入到中环地铁站,已经係19:15,要赶到去铜锣湾20:00入场。
 
Part II
      去到时代广场,打电话联系到另外一个嚟香港玩嘅朋友,仙人指路后跟随人流去到传说中嘅"伊利莎伯体育馆"。
      伊馆门外人山人海,大部分都係后生细仔。逼入伊馆用咗成15分钟,期间中见到有人带住出咗无耐嘅WII FIT去睇show。扰嚷咗一段时间,终于搵到自己个座位。继天字一号位之后,我发现自己第U排係天顶第一排,而且隔离仲有条大石柱,不过依然好清楚可以睇到中心台上面嘅嘢。趁呢个时候,我周围影咗几张相。人陆陆续续入场,包括部分中年人(父辈级)同埋轮椅人士。原定20:00开show,结果因为黄子华都预咗好多人迟到,好多人要逼入馆,结果就迟咗15分钟开始。
      个show好精彩,一如既往笑话多、源于生活、时事新闻,深入浅出讲咗目前社会现状。如:廿几年嚟个阿婆都净係识得唱嗰三只歌,即係话识得少少嘢就可以搵到食,你话几咁励志;樽水卖两蚊,维他奶又卖两蚊,维他奶加水加糖加奶,水咩都冇,一樽有料一樽冇料,一个有做嘢一个冇做嘢,大家都係两蚊;你阿妈最锡你,你唔好开心,因为係你令到阿妈最唔放心…………仲有好多咸咸地,但带有哲理嘅故事笑话。嚟睇呢个show,除咗怕好似上次儿童不宜咁冇录制外,感受现场气氛係最重要嘅,因为今次係四面台,即使有拍摄,都冇办法俾到当时嘅效果。

IMG_3458

      “我是一个大苹果,我又香又甜又好吃……”随住子华用五音不全嘅声喉唱完只儿歌,个show都结束咗,当时已经係23:10。
 
Part III
      未出伊馆,一直担心点返去旺角,虽然地铁应该仲未收,但要顶住人流,赶头赶命咁冲过去似乎好有难度。
      但一出咗去,发现担心都比较多余,一大堆红色小巴写住到旺角等住各位观众。本住早返到去公司休息个原则(之前冇讲到,其实我哋係去公司住),打算上$20车返去,点只客满。居然后面连续几部都係$15,两个人慳返$10。
      翻到去旺角联系返之前个朋友,去日本料理一休宵夜。无论寿司定係刺身,料都好足,大大旧肉而且好新鲜。可惜因为投名状包爆谷开始发大,我连自己个定食都食唔到几多>_<。埋单时发觉同广州价钱差唔多。
 
Part IV
      一休步行15分钟返到公司,上咗下网,感受咩叫香港宽频——快字就一个,体验下咩叫跨越GFW的mediawiki,尝试下咩叫无阻隔上咸网后,冲凉、瞓。
      当时已经係凌晨4点。
 
附:投名状/栋笃笑票尾

IMG_3478

Advertisements
此条目发表在传说中的我分类目录。将固定链接加入收藏夹。

发表评论

Fill in your details below or click an icon to log in:

WordPress.com Logo

You are commenting using your WordPress.com account. Log Out / 更改 )

Twitter picture

You are commenting using your Twitter account. Log Out / 更改 )

Facebook photo

You are commenting using your Facebook account. Log Out / 更改 )

Google+ photo

You are commenting using your Google+ account. Log Out / 更改 )

Connecting to %s