只要团圆,不要团圆饭

      呢次自己错得好紧要,公开同老豆开火,于是自己冇去到食团圆饭,係廿几年来第一次,希望会係最后一次。
      每次大家族拜年、团圆饭、祭祖之类,都係去到前一日先出安排计划,今年年卅团圆饭都唔例外。寻日食饭时得知,今日要4点就去龙津路五叔屋企(阿爷阿嬷屋企),然后发毛一大段时间,再一齐过去龙洞唔知边间饭店食饭。而且餐饭唔净止我大家族一家人,同一间房隔离台有四叔同事一家,可以讲三唔识七。要浪费咁多时间去等本来就唔想,仲要去到龙洞嗰头,同埋唔识嘅人食饭就更加乜瘾都冇。
      但又因为一年一次,所以我都打算会去。不过可能天生唔中意坐私家车,我都唔想跟老豆车去。未到4点屋企人就催住叫我落去,我同妈妈讲,我自己过去。到咗4点10分,我正准备落楼自己过去,老豆就打电话闹我,"每次都係咁样,要所有人围绕住以你为中心先得,你係唔係做过咩伟大嘅事,要所有人等你……"
      好唔情愿上咗车上面,老豆一路开车又一不断重复之前翻话N次。难道自己过去都有错吗?老豆就话我耍大牌。难道4点钟去发毛係正确吗?老豆就话应该等其他人。难道咁早去到就为咗等其他亲戚吗?老豆就话你唔好理做好自己本份。难道要去龙洞,同三唔识七嘅人一齐食饭就团圆吗?呢次老豆冇答到,因为我都冇问到。
      "我根本就唔想去。""唔想去就落车。"
 
      我忍唔到太多嘢,包括车上不停咁无理取闹、无限时等待、无时限嘅饭局。不和谐嘅团圆饭不吃也罢,回家继续工作,还有等待夜晚他们回家后的难看面色。
Advertisements
此条目发表在Uncategorized分类目录。将固定链接加入收藏夹。

6 Responses to 只要团圆,不要团圆饭

  1. ray说道:

    哇,使唔使搞到甘激啊,计我话,团年饭都系孝敬老人家啧,对你冇意义,但对你老豆可能好大意义,一年一次你咪就下d长辈咯

  2. Yonggang说道:

    我今晚同你一鬼样,都系饭前吵锅。唔系睇个仔份上我都唔食丿的了。
     
    返到去无厘头问我D贺年短信边度来,帮佢稳D。我话我从来唔发的,要发的话只是转发别人的。佢就系都要我帮佢稳,又话甘的野都唔帮佢做。老窦度又无电脑又无得上网,霎时点稳俾佢?系都要稳D野食饭前吵吓

  3. 咪嘈说道:

    何必呢,过年应该大家开开心心,退一步海阔天空,老豆始终喺老豆,喺佢d米饭养大你嘅。

  4. Penny说道:

    无仇不成父子,睇法唔同嗟,冇事冇事!

  5. Amy说道:

    过年,我也是宁愿和朋友同学聚会好过在亲戚家发毛~不过,一年一次,忍下就过去了。有时可以尝试下在发毛中寻找乐趣的嘛

  6. 传说中的13号说道:

    多谢各位关心。

发表评论

Fill in your details below or click an icon to log in:

WordPress.com Logo

You are commenting using your WordPress.com account. Log Out / 更改 )

Twitter picture

You are commenting using your Twitter account. Log Out / 更改 )

Facebook photo

You are commenting using your Facebook account. Log Out / 更改 )

Google+ photo

You are commenting using your Google+ account. Log Out / 更改 )

Connecting to %s